អតីតមន្ត្រីជាន់ខ្ពស់គណបក្សហ៊្វុនស៊ិនប៉ិច លោក ហុង ស៊ុនហួត ទទួលមរណភាពក្នុងជន្មាយុ ៧៦ឆ្នាំ នៅប្រទេសបារាំង
ភ្នំពេញ៖ អតីតមន្ត្រីជាន់ខ្ពស់គណបក្សហ៊្វុនស៊ិនប៉ិច លោក ហុង ស៊ុនហួត បានទទួលមរណភាពក្នុងជន្មាយុ ៧៦ឆ្នាំ ដោយរោគគាពាធ នៅព្រឹកម៉ោង១០កន្លះ ថ្ងៃទី០៦ ខែមករា ឆ្នាំ២០២៣ នៅមន្ទីរពេទ្យ Hospital Antibes ទីក្រុងនីស ប្រទេសបារាំង។
សពលោក ហុង ស៊ុនហួត នឹងត្រូវបូជានៅថ្ងៃទី១៣ ខែមករា ឆ្នាំ២០២៣ នៅប្រទេសបារាំង ហើយធាតុរបស់លោកនឹងដឹកមកកម្ពុជាដើម្បីធ្វើបុណ្យតាមប្រពៃណី និងព្រះពុទ្ធសាសនា។
លោក ហុង ស៊ុនហួត កាលពីមុនធ្លាប់កាន់តំណែងជារដ្ឋមន្ត្រីក្រសួងអភិវឌ្ឍន៍ជនបទ អគ្គលេខាធិការកាកបាទក្រហមកម្ពុជា រដ្ឋមន្ត្រីក្រសួងសុខាភិបាល ប្រធានអង្គការសុខភាពពិភពលោកប្រចាំតំបន់អាស៊ីប៉ាស៊ីហ្វិច ប្រធានអាជ្ញាធរជាតិប្រយុទ្ធនិងជំងឺអេដស៍ និងអតីតអនុប្រធានទី២ រដ្ឋសភា៕
